CHACHACHACHANGES!!!

Fáltame daqué...

Fáltame daqué... pero literalmente!! Llegó el momentu esperáu: la operación de bandullu. Toda una sigmoidectomía. Calla, que el sustu fue pistonudu cuando desperté, y me veo con una pila de furacos. Pero si diben a ser dos furaquinos!!! Y alcuéntrome con cuatro tayadines con sus grapes, y un tayadón baxo'l bandullu. La de Reanimación (tratu escelente) dizme que tto bien, pero tuve mosqueau un tiempu.
Nervios, pocos hasta que te baxen a la zona d'espera en quirófanos. Cuando yes consciente de que vas quedar inconsciente, y puede que esi últimu pensamientu seya eso, l'últimu. Ehí entróme l'angustia existencial innata, el cerebru reptilianu dando que facer, igual que n'un suañu que tuve nel que taba programao, n'un hospital, que diba morrer al otru día.
Pero, mira tú, equí toy. Nun sé si pa bien o pa mal. Pero d'esta nun fue.

Avances informáticos

Pues atrevime a facer el llápiz col GParted... y furruló!! Eso sí, con sustu al apagar la sesión col llápiz. Pero'l métodu d'apaga y arranca sirvió como nos meyores tiempos. Amás, revolviendo'n testos sobre privacidá, atopé cómo actualizar el firmware del ordenador. Y tamién salió ensin problemes. Ya ta metío en tarees periódiques en calendariu.
Lo que tovía nun toi garrando, ye lo del Docker. Igual ye que me quiero complicar, y nun hai que usalo too siempres. De que entame a programar, ya fadré pruebes.

"Ecton alotrion eista oinkeia
— Del gran Jerónimo Granda, de cuando la radio piquiñina